МЗС Украіны: Беларусы паказалі сваю волю да перамен
- 9.08.2026, 15:58
Кіеў выразна адрознівае беларускі народ і рэжым Лукашэнкі.
Кіраўнік МЗС Украіны Андрэй Сыбіга у шостую гадавіну пратэстаў у Беларусі заявіў, што Кіеў цэніць беларусаў, якія падтрымалі яго краіну і выступілі супраць расійскай агрэсіі:
У публікацыі ў сацсетцы X ён напісаў: «Шэсць гадоў таму, 9 жніўня, беларусы ясна прадэманстравалі сваю волю да дэмакратычных перамен і сваё права самастойна вызначаць будучыню ўласнай краіны. Іх выбар быў сустрэты рэпрэсіямі. Аднак гады ціску, зняволенняў і вымушанай эміграцыі не сцерлі імкнення беларусаў да свабоды, дэмакратыі і суверэнітэту.
Six years ago, on August 9, Belarusians clearly demonstrated their will for democratic change and their right to determine the future of their own country.
Their choice was met with repression. Yet years of pressure, imprisonment, and forced exile have not erased the desire of… pic.twitter.com/aDFUACWDtg
— Andrii Sybiha 🇺🇦 (@andrii_sybiha) August 9, 2026
Украіна выразна адрознівае беларускі народ і рэжым Лукашэнкі, які нясе адказнасць за садзейнічанне агрэсіўнай вайне Расіі супраць Украіны. Мы цэнім многіх беларусаў, якія падтрымалі Украіну і выступілі супраць расійскай агрэсіі».
Мы спадзяёмся, што калі-небудзь Беларусь стане свабоднай, незалежнай, дэмакратычнай і еўрапейскай краінай, дзе яе народ, а не Масква, будзе вызначаць будучыню краіны. Такая Беларусь узмацніла б бяспеку ўсяго нашага рэгіёна.
Раней Зяленскі раскрыў, як Лукашэнка дапамагае Пуціну ваяваць супраць Украіны.