Нерадлівых чыноўнікаў і аграрыяў адправяць у спецназ

• 9.08.2026, 16:30

Дзіўнае рашэнне Лукашэнкі.

У Сілы спецыяльных аперацый (ССА) Беларусі пачалі прыбываць работнікі, якія дрэнна праявілі сябе падчас уборачнай кампаніі — пра гэта паведаміла прэс-служба Мінабароны.

Ініцыятыва накіроўваць такіх людзей у армію належыць Аляксандру Лукашэнку. 22 ліпеня на селектарнай нарадзе ён прапанаваў накіроўваць прагульшчыкаў і парушальнікаў працоўнай дысцыпліны на ўкраінскую мяжу замест крымінальнага пераследу: «Усіх, хто не ўмее працаваць, — у армію і на паўднёвую мяжу… Тыдзень падрыхтоўкі (гранатамёт, кулямёт) — і туды».

Лукашэнка падкрэсліваў, што гэта мера датычыцца не толькі звычайных работнікаў, але і чыноўнікаў.

Мінабароны афіцыйна аформіла гэтую практыку як збор з прызывам вайсковаабавязаных для праверкі баявой і мабілізацыйнай гатоўнасці ваенных камісарыятаў.