У Малдове ўзарваўся невядомы беспілотнік

• 9.08.2026, 16:39

Выбух прагрымеў у вёсцы.

У раёне вёскі Крокмаз раёна Штэфан-Водэ Малдовы адбыўся выбух і загарэлася расліннасць, піша мясцовае выданне NewsMaker. Паліцыя выявіла на месцы здарэння фрагменты баявога беспілотніка.

Пацярпелых у выніку выбуху і наступнага пажару няма.

Пакуль не паведамляецца, якой краіне належаў дрон, што ўзарваўся.

Заўважым, што сёння Расія масава атакавала Адэсу.