Іран страціў за ноч пяць танкераў

• 10.09.2026, 8:35

Рубіо заявіў, што ЗША працягнуць «душыць» Тэгеран эканамічна.

Дзяржаўны сакратар ЗША Марка Рубіо заявіў, што Іран будзе і далей губляць свае танкеры за абстрэлы ваенных караблёў Амерыкі. Паводле яго слоў, Вашынгтон настроены і далей «душыць» Тэгеран у эканамічным плане.

Пра гэта паведамляе DRM News.

Паводле слоў Рубіо, Вашынгтон не лічыць, што нейкая краіна прадастаўляе Ірану нешта такое, што змяняе дынаміку або параметры таго, што назіраюць ЗША.

У той жа час ён адзначыў, што Тэгеран за свае абстрэлы амерыканскіх караблёў плаціць сваімі танкерамі.

«Яны працягваюць абстрэльваць ваенныя караблі, і калі яны абстрэльваюць нашы ваенныя караблі, яны плацяць за гэта сваімі танкерамі. Яны не трапляюць у нашы караблі, але губляюць пяць танкераў. Мінулай ноччу яны страцілі яшчэ пяць. Чатыры былі пашкоджаныя, а адзін патоплены», — сказаў Рубіо

Таксама дзяржсакратар падкрэсліў, што іранцы будуць і далей плаціць за гэта.

«Мы будзем працягваць душыць іх эканамічна», — рэзюмаваў ён.