Z-блогер: Жыхары Данбаса ненавідзяць расіян

• 10.09.2026, 17:19

Многія чакаюць вяртання Украіны.

Z-блогерка Тацяна Мантян зрабіла шчырае прызнанне пра настроі на акупаваным Данбасе. Яна паскардзілася на велізарную колькасць так званых «ждуноў» — мясцовых жыхароў, якія ненавідзяць Расію і чакаюць дэакупацыі тэрыторый. Такую заяву яна зрабіла ў інтэрв’ю Z-блогеру Максіму Калашнікаву, перадае «Дыялог».

Паводле слоў Мантян, украінцы з акупаваных гарадоў і вёсак вымушаныя атрымліваць пашпарты РФ, каб выжыць, аднак саму Расію яны пры гэтым лютасна ненавідзяць за тое, што яна з імі зрабіла.

«Я не вылазу з ЛБС (лініі баявога сутыкнення — рэд.). Я бачу, якая колькасць «ждуноў» без якіх-небудзь праблем атрымлівае расійскія пашпарты… Ну я ж бачу гэтых людзей! Я ім прывазю ежу. Я бачу, як яны глядзяць. Я бачу, як яны размаўляюць. Я бачу, як яны злуцца. Яны гэта бяруць, бо есці хочацца, але я бачу, што яны зусім не прарасійскія: ім проста няма куды падзецца! Глядзяць ваўкамі», — распавяла Мантян.