Макрон заклікаў Еўропу ўзмацніць касмічную праграму

• 10.09.2026, 18:19

Прэзідэнт Францыі заявіў пра неабходнасць лётаць у космас «сваімі экіпажамі».

Прэзідэнт Францыі Эмануэль Макрон выступіў на міжнародным касмічным саміце ў Парыжы. Там ён прадставіў сваё бачанне ролі Еўропы ў космасе: яна павінна стаць адным з вядучых гульцоў у гэтай сферы. Макрон заклікаў Еўропу на працягу дзесяці гадоў распрацаваць уласныя пілотаваныя касмічныя праекты і «лятаць сваімі экіпажамі». Яго цытуе France 24.

У рамках узмацнення пакуль што «крохкай», на думку прэзідэнта Францыі, еўрапейскай касмічнай праграмы ён прапанаваў тэлекамунікацыйным аператарам, пастаўшчыкам спадарожнікавых сетак і вытворцам «без прамаруджання» стварыць еўрапейскі альянс, каб да 2030 года забяспечыць спадарожнікавую сувязь без выкарыстання наземных антэн.

Эмануэль Макрон таксама распавёў пра наступную касмічную місію, у межах якой у 2027 годзе ў партнёрстве з амерыканскай Vast і NASA на Міжнародную касмічную станцыю адправяцца тры еўрапейскія астранаўты, у тым ліку француз Тома Песке.