З Германіі выслалі больш за 150 расійскіх дыпламатаў і членаў іх сем'яў

• 10.09.2026, 19:26

З-за інцыдэнту з дронамі ў аэрапорце Лейпцыга.

З Германіі пасля інцыдэнту з дронамі ў аэрапорце Лейпцыга былі высланы больш за 150 супрацоўнікаў расійскіх дыпламатычных прадстаўніцтваў і членаў іх сем'яў, паведаміла пасольства Расіі ў ФРГ.

Паводле слоў дыпламатаў, больш за сотню тысяч чалавек, як грамадзян Германіі, так і расіян, што жывуць у краіне, страцілі доступ да консульскіх паслуг.

Вечарам 4 жніўня супрацоўнік аэрапорта выявіў беспілотнік побач з украінскім грузавым самалётам Ан-124. На дроне знаходзілася каля 800 г выбуховага рэчыва «Семтэкс». У тую ж ноч грузавы самалёт DHL пасля ўзлёту сутыкнуўся з невядомым аб'ектам і атрымаў нязначныя пашкоджанні, пасля чаго сеў у Гановеры.

1 верасня Германія абвінаваціла ў інцыдэнце з беспілотнікамі Расію.

Пасля гэтага ўлады Германіі заявілі пра скасаванне кантракта на выкарыстанне Рускага дома ў Берліне і закрыццё генконсульства Расіі ў Боне. Паводле слоў міністра замежных спраў ФРГ Ёханна Вадэфуля, генконсульства спыніць працу 18 верасня.