«Спадзяюся на цуд, магчыма, гэта памылка»

• 14.09.2026, 19:31

Бацька хакейнага арбітара пра сына, якога падазраюць у забойстве цяжарнай мінчанкі.

Экс‑брамнік зборнай Беларусі Аляксандр Гаўрылёнак пацвердзіў затрыманне сына Аляксея, якога падазраюць у забойстве цяжарнай мінчанкі, піша Betting Insider.

«Я пакуль ведаю не больш, чым вы, знаходжуся не ў Мінску, чытаю навіны ў інтэрнэце. Так, Аляксей затрыманы, абвінавачанні пакуль не выстаўлены, вядзецца расследаванне. Спадзяюся на нейкі цуд, магчыма, гэта памылка або нешта яшчэ… Як можна сябе адчуваць у такой сітуацыі? Пайміце самі — вельмі дрэнна», — сказаў Аляксандр Гаўрылёнак.

Пра забойства цяжарнай Таццяны Марцішчанка стала вядома 11 верасня — яе шукалі з 8 верасня. Выданне «Трыбуна» са спасылкай на свае крыніцы 12 верасня паведаміла пра затрыманне па гэтай справе Аляксея Гаўрылёнка. Ён складаўся ў блізкіх адносінах з Таццянай і быў бацькам яе дзіцяці.