FT: Трамп паспяшаўся з заявай пра энергетычнае перамір’е паміж Украінай і РФ

• 14.09.2026, 21:52

У той жа час у гэтым напрамку вядзецца праца.

Прэзідэнт ЗША Дональд Трамп выступіў з паспешнай заявай, заявіў журналіст Крыстафер Мілер, галоўны карэспандэнт выдання The Financial Times ва Украіне. Паводле яго слоў, на дадзены момант няма канчатковай дамоўленасці аб узаемнай адмове Расіі і Украіны ад нанясення удараў па энергетычных аб’ектах адна адной.

- Трамп апярэдзіў падзеі: паводле маёй інфармацыі ад асведамленых людзей у Кіеве, гаворка ідзе пра тое, што нешта знаходзіцца на стадыі прапрацоўкі, але яны папярэджваюць, што канчатковай дамоўленасці няма, – адзначыў Мілер у сацыяльнай сетцы X (Twitter).

Ён дадаў, што падрабязнасці застаюцца няяснымі.