Візавы цэнтр Італіі ў Мінску прыпыніў рэгістрацыю новых заяўнікаў у спіс чакання

• 15.09.2026, 16:12

Прычына не называецца.

VFS Belarus часова прыпыніў запіс у спіс чакання для падачы заяў на візу ў Італію.

Рашэнне было прынята па ўзгадненні з пасольствам Італіі ў нашай краіне. Тэрмін часовага прыпынення не ўдакладняецца. У паведамленні толькі ўдакладняецца, што запіс прыпынены «да асобнага распараджэння» з боку італьянскай дыпмісіі.

«Для заяўнікаў, ужо зарэгістраваных у спісе чакання: ваша рэгістрацыя застаецца дзейснай. Як толькі з’явяцца свабодныя месцы для запісу, адпаведная інфармацыя будзе накіраваная на адрас электроннай пошты, пазначаны пры рэгістрацыі», — паведамілі ў VFS Belarus.

Прычына прыпынення запісу ў спіс чакання не называецца.