Збіты над Літвой дрон нёс зарад выбухоўкі

• 15.09.2026, 17:41

Пра гэта паведаміў міністр абароны краіны.

Збіты ў аўторак, 15 верасня, над Літвой дрон нёс зарад выбухоўкі, пра гэта ў «Фэйсбуку» напісаў міністр абароны краіны Робертас Каунас.

«Аперацыя «Шчыт» завершана. Паводле канчатковых даных, быў выяўлены выбуханебяспечны прадмет. Сапёры яго абясшкодзілі. Спецыялісты працягнуць даследаваць і аналізаваць дрон», — паведаміў ён.

Як паведамляла агенцтва BNS, дрон заляцеў у Літву з тэрыторыі Беларусі і быў збіты італьянскімі знішчальнікамі, дыслакаванымі ў горадзе Шяуляй.

У некалькіх раёнах была абвешчана паветраная трывога.