Літва накіруе Беларусі ноту пратэсту

• 15.09.2026, 18:02

Праз інцыдэнт з беспілотнікам.

Літва накіруе Беларусі ноту пасля таго, як уначы ў паветраную прастору Літвы заляцеў беспілотнік, які збілі італьянскія знішчальнікі, заявіў кіраўнік МЗС краіны Кястуціс Будрыс, перадае LRT.

«У ўсіх выпадках, калі адбываецца парушэнне паветранай прасторы, мы атрымліваем паведамленне ад Ваенна-паветраных сіл пра тое, калі, дзе і што адбылося. Ва ўсіх выпадках мы рыхтуем ноту і перадаем яе той краіне, адкуль, скажам, прыляцеў самалёт або іншы аб’ект. У дадзеным выпадку гаворка ідзе пра Беларусь», — заявіў Будрыс.

Паводле яго слоў, канчатковае паходжанне беспілотніка вызначаць пасля вывучэння абломкаў. Літва ўжо праінфармавала саюзнікаў пра інцыдэнт і запытала кансультацыі ў Еўрасаюзе і НАТА.