У Мінску адкрыўся першы дыскаунтар Unistore

• 15.09.2026, 21:53

Там можна набыць экзатычныя прадукты.

Першы сталічны дыскаунтар Unistore запрацаваў у ТЦ All House на Даўгінаўскім тракце, 188. Усяго ў краме прапануецца больш за 7000 тавараў. На паліцах шырока прадстаўлены як беларуская прадукцыя, так і імпартная экзотыка: італьянскія спагецці, кітайская паста з соевых бабоў, камчацкія крабы і аўстрыйскія цукеркі з марцыпанам, перадае «Онлайнер».

Крама прасторная: паміж шырокімі радамі спакойна раз’язджаюцца вазкі, а асартымент размеркаваны па вялікіх гандлёвых зонах. Пакупнікоў абслугоўваюць дзесяць кас.

Галоўнае адрозненне новай крамы ад звыклага фармату Unistore — у цэнах. Калі звычайна ў крамах сеткі больш нізкі кошт становіцца даступны пры куплі некалькіх аднолькавых тавараў, то тут дыскаунтар адразу працуе з нізкай цаной: яна дзейнічае ўжо пры куплі першай адзінкі. Прадстаўлены і акцыйныя тавары са зніжкамі.

Цэны такія: банка кукурузы, 450 г, каштуе 3,49 рубля; таматная паста, 500 г, — 5,15 рубля; тушаная ялавічына Бярозаўскага мясакамбіната, 338 г, — 5,69 рубля, а вермішэль Ligrano, 750 г, — 1,67 рубля. З больш звыклых тавараў для вялікай закупкі тут былі гарохавы суп за 1,39 рубля, кукурузныя палачкі за 2,15 рубля і напой «Фан-Фан», 2 л, за 2,75 рубля.

Салодкага таксама хапае. Кілаграм печыва «Люкс-ірландскі крэм» абыдзецца ў 10,99 рубля, «Сласт-Феліцыя» — у 9,99 рубля, «Саваярдзі», 300 г, — у 5,98 рубля, шакалад «Аленка», 85 г, — 3,28 рубля, а марожанае «ЮККІ», 75 г, — 1,22 рубля. Сярод напояў і бакалеі можна было знайсці каву Sorso, 1 кг, за 69,99 рубля і падушачкі «Віцьба», 150 г, за 2,09 рубля.

У краме абсталявана вялікая халадзільная камера з малочнай прадукцыяй, мясам і каўбасамі, сырамі і іншымі таварамі. Напрыклад, вараная каўбаса «Гродзенскі МК», 400 г, каштуе 3,43 рубля, шпікачкі «Бярозаўскі МК», 1 кг, — 7,99 рубля, ікравая паста «Ікрынка», 150 г, — 2,59 рубля, плаўлены сыр «Ласкавае лета», 1 кг, — 13,99 рубля, маасдам «Брэст-Літоўск», 200 г, — 4,99 рубля, а тварожны сыр Bonfesto, 140 г, — 3,39 рубля.

Шмат месца займаюць бакалейныя рады з крупамі, макаронамі, соусамі і снэкамі. Іх дапаўняюць вялікі аддзел са свежай гароднінай і садавіной і доўгія паліцы з напоямі. У аддзеле бытавой хіміі, напрыклад, можна было знайсці кандыцыянер Bronx, 3,7 л, за 10,99 рубля, гель Alex, 4,55 л, за 12,89 рубля і адбельвальнік Fastbuy Oxycleaner, 1 кг, за 8,99 рубля.

Дыскаунтар Unistore працуе з 09.00 да 22.00 на Даўгінаўскім тракце, 188. Гэта дзявяты магазін сеткі ў Беларусі.