Зяленскі: Пуцін баіцца паўстання мільёна вайскоўцаў

• 16.09.2026, 14:11

Магчымасць паўстання пацвярджаюць дадзеныя выведкі.

Расійскі дыктатар Уладзімір Пуцін баіцца спыніць вайну. Пра гэта ў інтэрв’ю CBC News заявіў прэзідэнт Украіны Уладзімір Зяленскі.

Паводле яго слоў, Пуцін баіцца за сваё жыццё. Дыктатар асцерагаецца, што вайна ва Украіне не прынесла РФ жаданых вынікаў, таму калі скончыць яе цяпер, гэта можа раззлаваць акупантаў.

«Яны сапраўды лічаць, што калі яны спыняцца проста цяпер, гэта не будзе перамогай. Гэта будзе якраз наадварот. Таму, калі ён застанецца на гэтай пазіцыі, ён баіцца, што салдаты вернуцца, будуць раз'юшаныя і выступяць супраць яго», — адзначыў Зяленскі.

Паўстанне мільёна расіян супраць кіраўніка Крамля лічаць магчымым як украінская выведка, так і атачэнне Пуціна. Таму дыктатар баіцца спыніцца на гэтым этапе супрацьстаяння.