У ЕС анансавалі новую праграму сумесных з Украінай абаронных праектаў

• 16.09.2026, 19:25

Freyja – гэта толькі пачатак.

Еўрапейскі саюз мае намер распрацаваць сумесна з Украінай даступную па кошце мадульную сістэму супрацьракетнай абароны. Пра гэта прэзідэнт Еўрапейскай камісіі Урсула фон дэр Ляен заявіла падчас выступлення ў Еўрапарламенце 15 верасня, яе працытавала прэс-служба ЕК.

«У аснове гэтага супрацоўніцтва – праект Freyja. Тут мы аб’ядноўваем баявы досвед і інавацыйнасць украінцаў з тэхналагічным лідарствам Еўропы. І, вядома, нашы значныя вытворчыя магутнасці», – зазначыла фон дэр Ляен.

Акрамя таго, яна адзначыла, што Freyja – «гэта толькі пачатак», і трэба зрабіць яшчэ больш.

«Выкарыстоўваючы рэшткі сродкаў [абароннай праграмы] SAFE, мы запусцім новую праграму для сумесных праектаў з украінскімі кампаніямі», – падсумавала кіраўніца Еўракамісіі.