Нарвежскія, амерыканскія і брытанскія караблі прымусілі расійскія падводныя лодкі да ўцёкаў

• 17.09.2026, 9:20

Расіяне трэніраваліся абрываць падводныя кабелі.

Расійскі флот не спыняе праводзіць трэніроўкі дыверсійных дзеянняў супраць ваенных і грамадзяніцкіх аб’ектаў Еўропы.

Чарговыя «вучэнні» расійскія падлодкі паспрабавалі правесці ў Нарвегіі каля архіпелага Свальбард. Мэтамі субмарын Расійскага ўпраўлення глыбакаводных даследаванняў сталі два падводныя кабелі найбуйнейшай у свеце палярнай наземнай спадарожнікавай станцыі SvalSat (абсталяванай 150 антэнамі).

Пра гэта паведаміла выданне BFM Business.

Расіянам не ўдалося цалкам рэалізаваць падводную тэхналогію: у раён прыбылі нарвежскія, амерыканскія і брытанскія караблі, прымусіўшы дыверсантаў уцякаць.

Падводныя кабелі SvalSat злучаюць архіпелаг з мацярыковай часткай Нарвегіі на адлегласці 1400 км, перадаючы велізарныя аб’ёмы інфармацыі са спадарожнікаў.

У публікацыі падкрэсліваюць, што ў ходзе свайго мерапрыемства РФ адпрацоўвае сцэнар, паводле якога, распачаўшы ваенны канфлікт з НАТА, яна адразу паспрабуе аслабіць праціўніка, абарваўшы кабелі спадарожнікавай сувязі SvalSat.