«Пуцін выкарыстаў самога сябе замест козыра»

• 18.09.2026, 8:20

Сітуацыя ў Расіі складанейшая, чым паказваюць улады краіны.

Кіраўнік Цэнтра вывучэння акупацыі Пётр Андрющэнка падзяліўся сваімі ўражаннямі ад «выбараў» у Расіі.

Сітуацыя ў Расіі складанейшая, чым улады краіны паказваюць, і пацвярджэннем гэтага стала агітацыйная заява Пуціна з заклікам прыходзіць на выбары, патлумачыў Пётр Андрющэнка.

Раней кіраўнік Крамля ніколі не агітаваў свой народ, бо ведаў, што большая частка насельніцтва краіны падтрымлівае праўладную партыю.

«Учора выйшла расійская афіцыйная сацыялогія, якая ўсё роўна дэманструе, што расіяне не спадзяюцца, што нешта зменіцца да лепшага. Наадварот, там адчуваюцца панічныя настроі, і расчараванне нарастае. Мне падаюцца цікавымі некаторыя моманты ў звароце Пуціна, на якія варта звярнуць увагу. Па-першае, сам па сабе зварот. Калі так прааналізаваць, то гэта першы падобны зварот да расіян за апошнія некалькі гадоў (дзесяцігоддзяў, можна сказаць), калі ён звяртаецца да народа і заклікае прыйсці на выбары», - паведаміў Андрющэнка.

«Гэта азначае, што ўсё настолькі дрэнна, што давялося выцягнуць самога сябе на тэлебачанне і выкарыстаць як козыр, які павінен падштурхнуць людзей прыйсці і галасаваць за праўладную партыю. Такога яшчэ не было. Гэта азначае, што адбываюцца вялікія змены ў сітуацыі ўнутры Расіі, якія дэманструюць, што там крызісная сітуацыя», - дадаў Андрющэнка.

Таксама ён адзначыў: «З іншага боку, ягоная шчырая рыторыка пра тое, што трэба падтрымліваць фронт, не новая. Такое гучыць ужо некалькі месяцаў, але гэта першы год, калі Пуцін перастае пазбягаць згадванняў пра вайну. Ён ужо ўжывае словы «перамога», «вайна». Гэта адказ расійскаму грамадству, якое ўсё ж такі спрабуе зразумець, як так, што мы ваюем у паўсілы і ніяк не можам зваліць Украіну, пра якую нам кажуць, што гэта «недакраіна» і ўвогуле там няма каму ваяваць, а наша армія нікуды не рухаецца. Для падтрымкі вось гэтай сваёй рыторыкі ён асобна дадае ў сваю прамову такое».