На Гродзеншчыне знайшлі гіганцкі асінавік

• 18.09.2026, 10:11

Яго шляпка аказалася памерам з галаву.

Грыбны сезон у Беларусі ў самым разгары. Тым часам аматары ціхога палявання працягваюць знаходзіць сапраўдных лясных гігантаў і дзяліцца сваімі трафеямі ў сацсетках.

Адным з такіх рэкардсменаў пахвалілася ў TikTok вядомая блогерка з Лондана Эдыта Іванаўна. Пазітыўны псіхолаг, як яна сябе называе, часта бывае ў Беларусі і час ад часу выбіраецца тут на грыбы.

Падчас чарговай такой вылазкі жанчыне і трапіўся сапраўдны волат — велізарны асінавік, памер якога моцна ўразіў блогерку.

«Большага асінавіка, чым гэты, я ніколі ў сваім жыцці не знаходзіла», — не хаваючы захаплення, адзначыла жанчына, прыклаўшы знаходку да твару.

І параўнанне атрымалася вельмі паказальным: шляпка аказалася памерам з галаву жанчыны.

«Гэта не асінавік, гэта гігант! І паглядзіце, якая ножка, наогул не аб'едзеная», — захапілася яна.

У каментарыях блогерка ўдакладніла, што грыбы збірала ў Астравецкім раёне Гродзенскай вобласці. Разам з гіганцкім асінавікам у яе кошык адправілася і нямала лісічак.

Вось толькі некаторыя паведамленні:

«Гэта Беларусь, дзетка»

«Які вялікі грыб! Як парасон ад дажджу!»

«Гэта адразу цэлы суп вы знайшлі»

«Усміхаюся разам з вамі. Прыгажосць!»

«Які вялізны і які прыгожы»

«Як я вам зайздрошчу, грыбнічка»

«Эдыіта, дык такімі грыбамі можна і інфаркт справакаваць».