Украінскія дэсантнікі пад Запарожжам знішчылі два расійскія «Грады»

• 18.09.2026, 10:49

Адна з РСЗА была паражана падчас разгортвання.

Аператары 237-га асобнага батальёна беспілотных сістэм 7-га корпуса Дэсантна-штурмавых войскаў Узброеных Сіл Украіны нанеслі ўдар па артылерскіх сродках акупацыйнай арміі РФ.

На аўтадарозе Гуляйполе – Палагі ў Запарожскай вобласці былі паражаныя дзве рэактыўныя сістэмы залпавага агню БМ-21 «Град».

Аэраразведка дэсантнікаў своечасова выявіла перамяшчэнне і пазіцыі варожай тэхнікі, пасля чаго па мэтах быў нанесены ўдар з дапамогай ударных беспілотнікаў.

Дзякуючы майстэрству украінскіх пілотаў першую рэактыўную сістэму паразілі непасрэдна падчас разгортвання і вядзення агню. Другую РСЗА «Град» дагналі і знешкодзілі на маршы, не даўшы ёй дабрацца да агнявой пазіцыі.