Украіна стварыла «Карпацкую васьмёрку»

• 18.09.2026, 13:36

Зяленскі расказаў, якія краіны ў яе ўвайшлі.

Украіна стварыла новы фармат супрацоўніцтва пад назвай «Карпацкая васьмёрка» (С8). Ён прызваны ўзмацніць узаемадзеянне краін рэгіёна ў сферы бяспекі, энергетыкі і эканомікі.

Пра гэта паведамляе РБК-Украіна са спасылкай на заяву прэзідэнта Уладзіміра Зяленскага.

Па словах кіраўніка Украіны, саміт карпацкіх дзяржаў упершыню праходзіць ва Украіне і аб’ядноўвае рэгіёны і грамады краін-суседзяў. У фармат С8 увайшлі восем удзельнікаў:

Румынія;

Сербія;

Польшча;

Славакія;

Чэхія;

Аўстрыя;

Венгрыя;

Еўрапейскі саюз у цэлым.

Прэзідэнт Украіны падкрэсліў, што стварэнне альянсу павінна зблізіць краіны і сфарміраваць новую пляцоўку для вырашэння агульных задач.

«Гэта сур’ёзны пачатак руху, які павінен яшчэ больш зблізіць нашы краіны і стварыць на ўзроўні ЕС яшчэ адзін моцны элемент узаемадзеяння - бяспека, энергетыка, значнае пашырэнне лагістыкі і трансмежавага эканамічнага супрацоўніцтва і істотная падтрымка нашых грамад», - падкрэсліў Зяленскі.