МЗС Украіны папярэдзіла Крэмль

• 18.09.2026, 14:03

«Выбары» на акупаваных тэрыторыях пазбавяць легітымнасці ўвесь склад Дзяржаўнай думы РФ.

З 18 па 20 верасня дзяржава-агрэсар РФ будзе праводзіць так званыя выбары ў Дзяржаўную думу на часова акупаваных тэрыторыях Украіны. Гэтыя выбары з'яўляюцца незаконнымі, а іх вынікі — юрыдычна нікчэмнымі.

Пра гэта гаворыцца ў заяве МЗС Украіны, апублікаванай у пятніцу, 18 верасня.

«Гэта фарс дзяржавы-акупанта, які не мае нічога агульнага з дэмакратычнымі выбарамі і не стварае ніякіх прававых падстаў для распаўсюджання юрысдыкцыі Расіі на якую-небудзь частку тэрыторыі Украіны», — падкрэслілі ў МЗС.

Там нагадалі, што Аўтаномная Рэспубліка Крым і горад Севастопаль, а таксама часова акупаваныя часткі Данецкай вобласці, Луганскай вобласці, Запарожскай вобласці і Херсонскай вобласці з'яўляюцца неад'емнай часткай Украіны, а іх вызваленне ад расійскай акупацыі — неабходная ўмова аднаўлення тэрытарыяльнай цэласнасці Украіны ў яе міжнародна прызнаных межах.

Уключэнне ў склад расійскага парламента прадстаўнікоў, абраных на незаконных выбарах на часова акупаваных тэрыторыях Украіны і іншых дзяржаў, дадаткова пазбаўляе легітымнасці ўвесь склад Дзяржаўнай думы РФ, адзначылі ў МЗС Украіны.

І падсумавалі, што ніякае «галасаванне», незаконна арганізаванае расійскімі захопнікамі, не змяняе міжнародна прызнанага статусу часова акупаваных тэрыторый Украіны.