Новы Kia Seltos выйшаў на еўрапейскі рынак

• 18.09.2026, 14:22

Кампактны кросовер атрымаў гібрыдную ўстаноўку.

Новы Kia Seltos упершыню з’явіўся на еўрапейскім рынку. Недарагі кампактны кросовер даступны ў бензінавай або гібрыднай версіі.

Кросовер Kia Seltos другога пакалення ўжо пачалі прадаваць у шэрагу еўрапейскіх краін. Пра гэта паведамляе сайт L'Argus.

4,43-метровы Kia Seltos — малодшы брат Sportage, які будзе канкурыраваць з Honda ZR-V і Nissan Qashqai. Мадэль ужо прадаецца амаль ва ўсім свеце і на розных рынках даступная ў бензінавых, дызельных і гібрыдных версіях.

Новы Kia Seltos вылучаецца вуглаватым дызайнам з шырокай рашоткай радыятара і тонкімі вертыкальнымі фарамі і заднімі ліхтарамі. У салоне на прыборнай панэлі ўсталяваныя тры экраны, а аб’ём багажніка даволі вялікі — 536 л.

Кошт Kia Seltos розніцца ў залежнасці ад краіны. Версія з 1,6-літровым турбаматорам магутнасцю 180 к.с. каштуе ад 25 500 еўра, а гібрыд прапануецца па цане ад 36 790 еўра за пярэднепрывадную версію магутнасцю 154 к.с. і ад 40 190 еўра — за паўнапрывадную на 178 к.с. Сярэдні выдатак паліва складае 6,8–7,3 л/100 км у бензінавым варыянце і 5,8 л на 100 км — у гібрыдным.

Базавая камплектацыя Kia Seltos 2026 у Еўропе ўключае бязключавы доступ, дзвюхзонны клімат-кантроль, круіз-кантроль, датчыкі дажджу і асветленасці, парктронік, камеру і набор сістэм бяспекі.

Топавая камплектацыя X-Line (ад 35 540 еўра за бензінавую версію і 41 790 еўра за гібрыд) уключае 19-цалевыя дыскі, навігацыю, камеры кругавога агляду, паркавальны аўтапілот, аўдыёсістэму Harman Kardon, электрапрывад сядзення вадзіцеля, падагрэў крэслаў і рулявога кола.