Прэзідэнт Фінляндыі агучыў непрыемнае для Пуціна пасланне Расіі

• 2.09.2026, 9:00

Ультыматум будзе дзейнічаць нават пасля завяршэння вайны ва Украіне.

Фінскі лідар Аляксандр Стуб заявіў, што краіна не мае патрэбы ў расійскім газе і не плануе вяртацца да залежнасці ад расійскіх энергарэсурсаў нават пасля магчымага завяршэння вайны ва Украіне.

На пытанне журналіста пра тое, ці можа расійскі газ ізноў паступаць у Фінляндыю пасля ўстанаўлення міру, Стуб быў катэгарычны і адказаў, што не бачыць такой магчымасці ў найбліжэйшай будучыні.

«Ён нам не патрэбны. Думаю, нам варта і далей цалкам адмаўляцца ад расійскіх энергарэсурсаў», — заявіў фінскі кіраўнік дзяржавы.

Фінляндыя паслядоўна скарачае энергетычную залежнасць ад Расіі пасля пачатку поўнамаштабнай вайны супраць Украіны. Таксама краіна з’яўляецца адной з самых актыўных сярод еўрапейскіх дзяржаў, што дапамагаюць Кіеву ў адбіцці расійскай агрэсіі.