Пуцін: Расію спрабуюць сцягнуць уніз па харчовым ланцугу і зжэрці

• 2.09.2026, 12:00

Дыктатар пачаў апраўдвацца за дзіўнае выказванне пра касатак і мядзведзяў.

Крэмлёўскі дыктатар Уладзімір Пуцін, тлумачачы сваё дзіўнае выказванне пра паляванне касатак на белых мядзведзяў, заявіў, што Расію спрабуюць «зжэрці», піша «Диалог.UA».

Растлумачыць сваю аналогію Пуціну ў аўторак прапанаваў журналіст крэмлёўскага пула Павел Зарубін. На пытанне, каго менавіта ён меў на ўвазе пад касаткамі і мядзведзямі, кіраўнік Крамля адказаў, што параўнанне ўзнікла «зусім спантанна». Пуцін заявіў, што калі пад касаткамі разумець калектыўны Захад, то дакладней было б назваць яго «акуламі імперыялізму».

Пры гэтым Расію, паводле яго слоў, спрабуюць «сцягнуць уніз па харчовым ланцугу» і «паглынуць, зжэрці». «Расія гатовая зрабіць гэта, нягледзячы на хутка растучыя апетыты і зубы гэтых акул», — заявіў Пуцін.

Цікава, што і касаткі, і белыя мядзведзі ў біялогіі належаць да вышэйшых драпежнікаў, то бок знаходзяцца на вяршыні харчовых ланцугоў. Таму абраная Пуціным аналогія фактычна сама па сабе змяшчае РФ у катэгорыю «драпежнікаў», калі ісці за яго логікай.

Першапачаткова Пуцін распавёў пра гэты «харчовы ланцуг» 29 жніўня на сустрэчы з настаўнікамі і студэнтамі. Тады ён заявіў, што касаткі нібыта ядуць белых мядзведзяў і прапанаваў расказваць пра гэта дзецям, каб яны разумелі, «чаму мы праводзім спецыяльную ваенную аперацыю».