Адна з краін пачала адмяняць авіярэйсы ў Расію

• 2.09.2026, 12:25

Пасля папярэджання Зяленскага.

Турэцкая авіякампанія Pegasus Airlines у ноч на сераду, 2 верасня, адмяніла пасажырскі авіярэйс з Бодрума (Турцыя) ў Маскву з-за «сітуацыі з паветранай прасторай» Расіі. Пра гэта піша Диалог.UA са спасылкай на дадзеныя FlightAware і маніторынг сацсетак.

Рэйс РС1456 авіякампаніі Pegasus павінен быў 2 верасня вылецець з Бодрума ў Маскву а 00:05. У аэрапорце Внукова самалёт меўся прызямліцца а 04:25 па маскоўскім часе. Аднак рэйс адмянілі перад самай пасадкай. У сацыяльных сетках паведамляюць, што ўсе турэцкія авіякампаніі адмянілі рэйсы з-за «сітуацыі з паветранай прасторай» Расіі. Афіцыйна гэтая інфармацыя пакуль не пацверджаная.

Кампанія Pegasus Airlines таксама пакуль ніяк не каментавала сітуацыю з адменай рэйса ў Маскву. Наступны рэйс Pegasus Airlines з Бодрума ў Маскву запланаваны на 3 верасня. На момант напісання гэтай навіны яго яшчэ не адмянілі.

Нагадаем, 1 верасня прэзідэнт Украіны Уладзімір Зяленскі у адказ на новую эскалацыю з боку Масквы абвясціў пра пачатак кампаніі па блакадзе паветранай прасторы Расіі. Ён папярэдзіў авіякампаніі і «ўсіх, хто працягвае карыстацца аэрапортамі Расіі» пра тое, што «расійскае неба становіцца цалкам небяспечным». Украіна пайшла на такі крок у адказ на ўзмацненне ўдараў акупацыйнай арміі РФ па ўкраінскіх гарадах і грамадзянскай інфраструктуры.