Выбух на вакзале ў Германіі спыніў рух цягнікоў

• 2.09.2026, 12:39

Ёсць пацярпелыя.

На галоўным чыгуначным вакзале Аўгсбурга прагрымеў выбух невядомага паходжання. Паліцыя цалкам ачапіла станцыю, два чалавекі атрымалі лёгкія траўмы.

Пра гэта паведамляе Die Welt.

На галоўным чыгуначным вакзале Аўгсбурга ў Германіі выбухнуў пакуль неідэнтыфікаваны аб’ект. Невзабаве пасля гэтага паліцыя выявіла паблізу падазроны прадмет.

Пакуль вядома, што станцыю цалкам ачапілі, рух цягнікоў прыпынены, парушаная праца грамадскага транспарту. Паліцэйская аперацыя працягваецца з пяці гадзін раніцы.

Паводле слоў спікера паліцыі, два чалавекі атрымалі лёгкія траўмы. Паводле звестак газеты Augsburger Allgemeine, пацярпелыя — 18-гадовы мужчына і 17-гадовая дзяўчына, абодва мінакі. Выбух таксама пашкодзіў вокны.

На месцы здарэння працуе Дзяржаўнае ўпраўленне крымінальнай паліцыі (LKA) са спецыялістам па абясшкоджванні бомбаў і робатам-сапёрам.