Восенню ў Мінску другі раз за год зацвілі каштаны

• 2.09.2026, 14:36

Незвычайныя здымкі для пачатку верасня.

Мінчук pawlinzmenska распавёў у Threads, што ў цэнтры сталіцы другі раз за год зацвілі каштаны.

«Пакуль у ўсіх восень, на Нямізе ў Мінску лета яшчэ толькі пачынаецца, — піша ён. — Так, каштаны зноў зацвілі, бо ўжо ў ліпені яны стаялі без лісця».

Мінчук апублікаваў у сацсетцы фота, зробленыя ў цэнтры горада.

Звычайна каштаны ў Беларусі цвітуць у маі — на пачатку чэрвеня, але часам з-за спёкі і засухі дрэвы могуць паўторна зацвісці ў канцы лета або восенню.