Турчын прагаварыўся пра велізарную праблему ў беларускай эканоміцы

• 2.09.2026, 16:15

Лукашэнка называў яе «сваім галаўным болем».

Прэм'ер-міністр Беларусі Аляксандр Турчын пасля дакладу Аляксандру Лукашэнку, які адбыўся 2 верасня, заявіў, што беларускі экспарт сутыкаецца з сур'ёзнымі цяжкасцямі, у першую чаргу звязанымі з лагістыкай.

Сярод ключавых праблем прэм'ер назваў складанасці з дастаўкай экспартных грузаў. Па яго словах, змены ў міжнароднай абстаноўцы наўпрост адбіваюцца на беларускіх вытворцах і вымушаюць іх шукаць альтэрнатыўныя маршруты паставак за мяжу.

Пры гэтым, нягледзячы на пазначаныя цяжкасці, Турчын заявіў, што ўрад захоўвае асцярожны аптымізм і разлічвае на захаванне станоўчых эканамічных тэндэнцый да канца бягучага года і на пачатку наступнага.

Раней Лукашэнка называў дэфіцыт знешняга гандлю і праблемы экспарту — сваім «галаўным болем».