У Азербайджане на складзе боепрыпасаў адбыўся выбух

• 2.09.2026, 17:40

Ўспыхнуў моцны пажар.

У Геранбойскім раёне на захадзе Азербайджана, недалёка ад пасёлка Нізамі, у ноч на 2 верасня адбыўся выбух на складзе боепрыпасаў. Інцыдэнт справакаваў буйны пажар, які суправаджаўся серыяй дэтанацый, з-за чаго давялося эвакуяваць жыхароў бліжэйшых населеных пунктаў. Пра гэта паведамляе агенцтва АРА.

Паводле сумеснай заявы міністэрстваў па надзвычайных сітуацыях, абароны і ўнутраных спраў Азербайджана, на месцы выбуху ўзнікла ўзгаранне, аднак мясцовае насельніцтва пры гэтым не пацярпела. З меркаванняў бяспекі з прылеглых да аб’екта раёнаў эвакуявалі каля 5 тысяч чалавек.

Пазней першы намеснік кіраўніка выканаўчай улады Геранбойскага раёна Сеймур Назароў паведаміў, што выбух не закрануў жылыя дамы ў суседніх вёсках — інфармацыя пра пашкоджанне жылой забудовы ў выніку здарэння не пацвярджаецца.

Пра прычыны выбуху і дакладныя абставіны таго, што адбылося, улады пакуль не паведамляюць.