Для кіроўцаў у Беларусі ўвялі чарговыя навацыі

• 2.09.2026, 18:27

Яны датычацца ў тым ліку ўладальнікаў электрамабіляў.

У Беларусі з’явіліся змены, якія закранаюць кіроўцаў. «Зеркало» распавядае, што гэта за навацыі.

На некаторых станцыях сеткі Malanka з’явілася магчымасць аплачваць зарадку наяўнымі. «Пакуль такая магчымасць ёсць на шасці аўтазапраўках: дзве знаходзяцца ў Гомелі (АЗС № 20 і 21), па адной — у Калінкавічах, Петрыкаве, Чэнках і Ераміне. Далей праект будзе маштабавацца, і паслуга з’явіцца на іншых аб’ектах», — піша neft.by.

Аплату наяўнымі хочуць увесці і на іншых АЗС.

«Белтэлекам» паведаміў, што адкрыў новыя электразарадныя станцыі Evika! у Дзяржынску. Яны з’явіліся па адрасах: вул. Лермонтова, 10, вул. Радужная, 17, вул. Минская, 1, вул. Протасова, 19 і вул. К. Маркса, 3.

«Evika!» з’яўляецца часткай партфеля тэхналагічных рашэнняў кампаніі «Белтэлекам». Станцыі размяшчаюцца пераважна ў спальных раёнах, паблізу офісаў і бізнес-цэнтраў. Важным фактарам з’яўляецца тое, што кожная станцыя знаходзіцца пад кругласутачным відэакантролем», — удакладняюць у арганізацыі.

Раней у жніўні ўрад прыняў змены для перавозчыкаў цяжкаваговых грузаў. У некаторых выпадках для такога транспарту павялічылі хуткасць руху пры суправаджэнні — да 70 км/гадз.