Пад Масквой прагучалі выбухі: атакаваныя буйныя хабы

• 20.09.2026, 8:12

У Маскоўскай вобласці пачалася «жара».

Уначы 20 верасня дроны атакавалі шэраг расійскіх рэгіёнаў. Паводле паведамленняў мясцовых жыхароў, у Маскоўскай вобласці пад абстрэлам знаходзяцца некалькі лагістычных хабаў, піша «Фокус».

Асінтары паведамляюць, што ў горадзе Разань прагучалі выбухі, а мясцовая СПА спрабавала іх збіць. Пра гэта паведамляюць маніторынгавыя каналы Exilenova+ і Supernova+.

Мясцовыя жыхары ў Маскоўскай вобласці паведамляюць пра рух дронаў у бок сталіцы РФ. Маніторынгавыя групы паведамляюць пра пачатак буйнага пажару ў Раменскім і Саф’іне, дзе размешчаныя склады кампаній «Kari» і Ozon.

«Пайшла жара», — паведамляе пра сітуацыю ў відэа публічная група Exilenova+.

Паводле даных маніторынгавых каналаў, у бок Масквы працягваецца рух БПЛА. Мэр Сяргей Сабянін паведамляе, што мясцовая СПА нібыта ўжо збіла 61 беспілотнік, які рухаўся ў бок горада і агламерацыі.