У Баранавічах дзяўчынку назвалі вельмі рэдкім старажытнагрэчаскім імем

• 20.09.2026, 17:07

Таксама такое імя носіць востраўная еўрапейская дзяржава.

У Баранавічах упершыню зарэгістравалі дзяўчынку з імем Мальта. Яна стала першым дзіцем у маладой сям'і.

Імя Мальта азначае «мядовая», «ціхая гавань» або «та, што дае жыццё». Яно паходзіць ад слова Меліта — старажытнагрэчаскай назвы Мальты.

Таксама ў баранавіцкім ЗАГСе расказалі, што ў сярэдзіне верасня зарэгістравалі першую за 14 гадоў Раісу, а таксама першага за 4 гады Радзіёна.

Усяго з 11 па 17 верасня ў горадзе нарадзілася 20 дзяцей.