Бяздапаможная ахінея крамлёўскага параноіка

• Андрэй Піянткоўскі
• 21.09.2026, 6:34

Што ж здарылася з «жахлівым і бязлітасным» Пуціным?

У апошнія дні крамлёўская прапаганда ўзбагаціла свой спіс пагроз ненавіснаму Захаду, падхапіўшы апошнюю «страшылку» літаральна з вуснаў свайго недафюрэра:

«Масква лічыць законнымі мэтамі любыя брытанскія ваенныя аб'екты або інфраструктуру ва Украіне, калі яны выкарыстоўваюцца для падтрымкі ўкраінскіх сіл або для нападаў на расійскую тэрыторыю»

Перачытайце, калі ласка, па літарах гэтую жалкую ахінею. Людзі, якія гадамі з асалодай марылі пра апусканне Брытанскіх астравоў у акіянічную бездань расійскімі ядзернымі ўдарамі, папярэджваюць брытанскіх вайскоўцаў, што страляюць па іх з тэрыторыі Украіны (ну, так паводле тэксту!), што калі тыя не спыняць такую сваволю, то Масква не выключае, што яна, магчыма, скарыстаецца сваім законным правам нанесці ўдар у адказ па гэтых цэлях на тэрыторыі Украіны.

Што ж здарылася з жахлівым і бязлітасным да ворагаў Расіі Пуціным?

Адбылася поўная і беззваротная дэвальвацыя 20-гадовага пуцінскага ядзернага шантажу. Кітай, ад якога Пу ўпаў у поўную залежнасць, некалькі разоў публічна катэгарычна забараніў яму гэтым займацца. Што да пагрозы канвенцыйных удараў па еўрапейскіх краінах, дык для ЕС, Вялікабрытаніі, Канады і Нарвегіі гэта ніякая не пагроза, а чаканая імі стратэгічная магчымасць рэзка павялічыць дапамогу Украіне, задзейнічаўшы непасрэдна сваю значную і разнастайную паветраную магутнасць.

Судзячы па нарастаючай бессувязнай і бяздапаможнай ахінеі крамлёўскага параноіка, здаецца, ён пачынае падазраваць, што за 20-гадовы базар прыходзіць час адказваць.

Андрэй Піянткоўскі, kasparovru.com