У Мінску з'явіўся незвычайны аўтобусны маршрут

• 21.09.2026, 12:33

Ён праходзіць крыху больш за кіламетр і не мае зваротнага рэйса.

У Мінску з'явіўся незвычайны аўтобусны маршрут. Гэта самы кароткі і самы рэдкі маршрут аўтобуса ў сталіцы. Яго нумар і маршрут — №261э «Кальцавая — Зялёны Луг-6», — піша Blizko.by.

Даўжыня маршруту ад блізкага прыгарада Сонечнага па вуліцы Шырокай, аўтадарозе Н3085 і вуліцы Мірашнічэнкі ў Зялёны Луг складае ўсяго 1,3 кіламетра.

За дзень выконваецца толькі адзін рэйс: у буднія а 07:25 ад прыпынку «Кальцавая» ў Сонечным, і прычым толькі ў адзін бок. У зваротны бок гэты аўтобус не едзе.