Пуцінскі лахатрон
- 21.09.2026, 13:27
Гэта чумны барак, ад якога трэба трымацца падалей.
Выніковыя лічбы электаральнага лахатрона, што прайшоў у Расіі не маюць ніякага значэння — усе вынікі гэтай пастаноўкі былі напісаныя загадзя. Важнае іншае: галоўнай задачай для Пуціна і яго абслугі гэтым разам была яўка — і яны гэтага не хавалі. Трэба сказаць, што расійская апазіцыя зрабіла ўсё залежнае ад сябе, каб гэтую яўку падняць. Прыкра назіраць, як адсутнасць рэальнай павесткі і немагчымасць уплываць на працэс прымушаюць нашых калег з галавой акунацца ў махлярскія схемы фашысцкай дыктатуры, дапамагаючы ёй дасягаць патрэбнага выніку.
Працяг стратэгіі так званага «Разумнага галасавання» — увесь гэты маразм, што прыкрывае жаданне не выпасці з грантавай абоймы, — гэта ўжо не проста імітацыя актыўнасці, а дзейнасць, якая наносіць каласальную шкоду. У адрозненне ад папярэдніх эпізодаў палітычнага ідыятызму, у якія расійская апазіцыя ўпадала ў розныя гады, сёння ідзе гаворка пра дапамогу ў апраўданні генацыду ва Украіне і легалізацыі захопу фашысцкім рэжымам украінскіх тэрыторый. Гэта той аспект, на якім Пуцін і расійская прапаганда рабілі асаблівы акцэнт, наўпрост заяўляючы, што гэтыя «выбары» прызваныя замацаваць інкарпарацыю часова акупаваных тэрыторый Украіны.
Спробы ўцягнуць людзей у ўдзел у пуцінскім «выбарчым» лахатроне — гэта спекуляцыя на натуральным жаданні нармальнага чалавека хоць як-небудзь выказаць сваё абурэнне. Такіх людзей шмат, і іх жаданне можна зразумець. Аднак агітацыя ісці на выбарчыя ўчасткі і тым самым павышаць яўку — гэта прамая дапамога рэжыму. Для дыктатуры прынцыпова важна прызнанне яе права праводзіць падобныя працэдуры. Граць па яе правілах — значыць прызнаваць яе легітымнасць.
Пуцінскія працэдуры — гэта «свята», на якім мы — чужыя. Гэта чумны барак, ад якога трэба трымацца падалей. Адзінае, што сапраўды павінна рабіць расійская апазіцыя, каб называцца апазіцыяй, — дапамагаць Украіне перамагчы і знішчыць гэты рэжым.
Гары Каспараў, «Фэйсбук»