У цэнтры Мінска заўважылі моцнае задымленне

• 24.09.2026, 17:24

Да месца прыбылі сем машын МНС.

У інтэрнаце на вуліцы Чырвонай у Мінску днём 24 верасня здарыўся пажар. Жыхары паспелі самастойна пакінуць будынак; пацярпелых няма, паведамілі ў МНС.

Паведамленне пра ўзгаранне ў пакоі інтэрната паступіла на нумар 112. Калі ратавальнікі прыбылі на месца, з акна на чацвёртым паверсе ішоў дым.

Падчас разведкі супрацоўнікі МНС высветлілі, што ў адным з пакояў загарэлася маёмасць. Пажар ліквідавалі.

Да інтэрната накіравалі сем адзінак тэхнікі. Пасля тушэння ратавальнікі працягнулі працаваць на месцы і праводзіць дымавыдаленне.