Мы на піку вайны

• Яўген Сасько
• 24.09.2026, 21:15

Трэба лавіць крэмлёўскую пысу па ўсім свеце і даваць гучныя ляпасы, а не біць па хвасце.

Актывізуючы гібрыдныя дзеянні, Крэмль спрабуе павысіць кошт вайны для еўрапейскіх краін, і гаворка тут ідзе не толькі пра фінансавыя выдаткі. У дадзенай сітуацыі ўзмацненне ўдараў па Украіне павінна найперш падарваць эканамічную, псіхалагічную і ўпраўленчую ўстойлівасць нашай дзяржавы, а таксама прадэманстраваць «непазбежнасць адказу» на ўдары па аб'ектах РФ.

Верагодна, цяпер мы знаходзімся на піку вайны на знясіленне, на самым разбуральным этапе. Хтосьці мусіць надламацца першым.

На ўнутранай арэне, правёўшы сфальсіфікаваныя выбары, Крэмль пацвердзіў кіруемасць расійскага грамадства, упэўненасць у сваіх дзеяннях (народ падтрымлівае «партыю вайны») і тое, што нязменнасць курсу на далейшую агрэсію народ «праглыне». Пуцін бачыць, што можа павышаць градус вайны. У той жа час ён спрабуе пашыраць новыя пункты напружання: краіны Балтыі, Закаўказзе, Далёкі Усход, Афрыка.

Крэмль працягвае павышаць стаўкі на некалькіх узроўнях і лічыць, што з дапамогай гібрыдных дзеянняў ён зможа навязаць Захаду свае ўмовы. Этаму спрыяе і паспяховае прасоўванне «правых» у краінах — лакаматывах Еўропы — Германіі і Францыі. Тым больш, што Парыж разглядаецца Масквой як цэнтр антырасійскага ўплыву ў Еўропе, які да таго ж мае моцныя пазіцыі ў Закаўказзі.

Але ці хопіць Путыну весці свае актыўныя дзеянні на некалькіх тэатрах адначасова, пакажуць час, Украіна і ўпэўненасць вядучых краін свету. Трэба лавіць крэмлёўскую пысу па ўсім свеце і даваць гучныя ляпасы, а не біць па хвасце.

Яўген Сасько, Telegram