Масіраваная атака дронаў на РФ: гараць Сочы, Ульянаўск, Варонеж і Перм

• 25.09.2026, 8:06

Пад прыцэлам апынуліся завод «Алмаз-Антэй» і НПЗ.

Уначы 25 верасня беспілотнікі атакавалі адразу некалькі рэгіёнаў Расіі — выбухі гучалі ў раёне Сочы, Варонежа, Ульянаўска і Пермі. Пад ударам апынуліся нафтаперапрацоўчыя заводы і прадпрыемства, якое ўваходзіць у канцэрн «Алмаз-Антэй».

Пра гэта паведамляе РБК-Украіна са спасылкай на маніторынгавыя Telegram-каналы.

Краснадарскі край і магчымая атака на НПЗ у Растоўскай вобласці

У раёне Сочы, Краснадарскі край, прагучалі выбухі. Таксама, паводле ацэнак OSINT-супольнасці, ёсць высокая верагоднасць, што Сілы абароны атакавалі Новашахцінскі НПЗ у Растоўскай вобласці — апошні раз па гэтым заводзе ўдары наносілі яшчэ 31 мая.

Варонеж

Мясцовыя жыхары паведамляюць пра працу супрацьпаветранай абароны і выбухі ў горадзе — на відэа відавочцаў бачна, як працуе СПА.

Ульянаўск

Паводле слоў мясцовых, пад ударам апынуўся завод «Іскра». АО «НПП «Завод Іскра» вырабляе электронныя кампаненты для радыёэлектроннай апаратуры, вылічальнай тэхнікі і сродкаў сувязі і ўваходзіць у канцэрн «Алмаз-Антэй».

Перм

Мясцовыя таксама паведамляюць пра атаку на Пермскі НПЗ (ПНОС).

Нагадаем, у тую ж ноч у акупаваным Луганску ўспыхнуў гіпермаркет «Стройцентр», які, паводле даных OSINT-супольнасці, выкарыстоўваўся як лагістычны хаб расійскіх войскаў.