Ці можна беларусам пакінуць машыну ў «чужым» двары на працяглы тэрмін?

• 25.09.2026, 13:01

Патлумачыла экспертка.

Ці можна на некалькі тыдняў або месяц пакінуць машыну ў двары дома, жыхаром якога я не з’яўляюся? Такое пытанне «АіФ» задаў жыхар Гродна.

«У Правілах дарожнага руху нашай краіны няма паняццяў «свой» або «чужы» двор — гэта землі агульнага карыстання, а значыць, вы можаце прыпаркавацца ў любым двары на любы тэрмін, калі машына стаіць без парушэння Правілаў дарожнага руху, — сцвярджае інструктарка па ваджэнні Таццяна Дарашкевіч.

— Аднак на практыцы, калі машына доўгі час стаіць у двары, пакрываецца брудам (лісцем, узімку — снегам), жыхары могуць палічыць яе неэксплуатуемым транспартным сродкам, або, прасцей кажучы, «аўтахламам», і накіраваць скаргу ў ЖЭС або адміністрацыю раёна.

Далей пачнецца працэдура пошуку ўладальніка з патрабаваннем прыбраць аўто, магчыма прымусовая эвакуацыя на штрафстаянку».