Fire Point раскрыла, чым ударылі па заводзе ў расійскім Варонежы

• 25.09.2026, 16:31

У сеціве з'явіўся момант трапляння.

Расійскае прадпрыемства «Варонежсінтэзкаўчук» у Варонежы ў ноч на пятніцу, 25 верасня, было паражана беспілотнікамі FP-1. Пра гэта паведамілі ва ўкраінскай абароннай кампаніі Fire Point.

Там адзначылі, што гэтае прадпрыемства вырабляе сінтэтычныя каўчукі і іншую хімічную сыравіну, якая, у прыватнасці, выкарыстоўваецца пры вытворчасці цвёрдага ракетнага паліва для ракет АТРК «Іскандэр».

Генеральны штаб ЗСУ пацвердзіў, што ў ноч на пятніцу былі паражаныя тры прадпрыемствы ў РФ, задзейнічаныя ў вытворчасці ракетнага ўзбраення, у прыватнасці, завод «Іскра» ў Ульянаўску, Ефрэмавскі завод сінтэтычнага каўчуку ў Тульскай вобласці і «Варонежсінтэзкаўчук» у Варонежы.

Раней, 25 верасня, у сеціве паведамлялася, што ў Варонежы падчас атакі дронаў мог быць паражаны завод «Варонежсінтэзкаўчук».

Прадпрыемства знаходзіцца недалёка ад ЦЭЦ, а менш чым за два кіламетры ад яго знаходзіцца ўзвышша, дзе ўсталяваны ЗРПК «Панцыр». Таксама паблізу, верагодна, размешчана пазіцыя комплексаў С-300/С-400, паведамляў расійскі Telegram-канал Astra.

Telegram-канал Exilenova+ апублікаваў, у прыватнасці, відэа, на якім, як адзначаецца, момант трапляння ў Варонежы.

Акрамя таго, Генштаб ЗСУ пацвердзіў, што Сілы абароны Украіны 24 верасня і ў ноч на пятніцу, 25 верасня, паразілі два нафтаперапрацоўчыя заводы ў Пермскім краі і Растоўскай вобласці РФ.