У ПАР тысячы людзей выйшлі на барбекю дзеля рэкорду

• 25.09.2026, 18:03

Удзельнікі смажылі традыцыйныя паўднёваафрыканскія каўбаскі, а таксама бургеры, стэйкі і адбіўныя.

У сталіцы ПАР Прэторыі тысячы людзей сабраліся на масавае барбекю, каб паспрабаваць пабіць сусветны рэкорд па колькасці ўдзельнікаў, якія адначасова гатуюць ежу на грылі, паведамляе KSAT.

Дзеючы рэкорд быў усталяваны ў японскім горадзе Ісігакі ў 2023 годзе — тады адначасова мяса смажылі 2220 чалавек.

На гэты раз арганізатары разлічвалі прыкладна на 3000 удзельнікаў і падрыхтавалі каля 500 грыль-станцый. Паводле правілаў Guinness World Records, кожны ўдзельнік мусіў бесперапынна гатаваць ежу не менш як пяць хвілін.

«Калі хтосьці пакідае сваё месца, яго вынік не залічваецца», — патлумачыла прадстаўніца Guinness World Records Паўліна Сапінска.

Удзельнікі смажылі традыцыйныя паўднёваафрыканскія каўбаскі, а таксама бургеры, стэйкі і адбіўныя.

Годам раней краіна ўжо спрабавала ўсталяваць такі рэкорд, але тады спроба правалілася, бо занадта шмат удзельнікаў пакінулі свае месцы.