The New York Times абрала 100 найлепшых серыялаў XXI стагоддзя

• 25.09.2026, 18:49

У складанні спісу ўдзельнічалі больш за 500 прадстаўнікоў кінаіндустрыі.

Выданне The New York Times склала спіс ста найлепшых серыялаў XXI стагоддзя, уключыўшы ў яго праекты, што выйшлі пасля 1 студзеня 2000 года.

На першым месцы апынуўся праект «Пусціцца ва ўсе цяжкія» (2008–2013) — гісторыя школьнага настаўніка хіміі Уолтэра Уайта, які, даведаўшыся пра рак, пачынае вырабляць метамфетамін дзеля забеспячэння сям’і.

Другое месца заняла крымінальная драма «Праслухоўка» (2002–2008), трэцяе — «Бязумцы» (2007–2015). У пяцёрку найлепшых таксама ўвайшлі «Спадкаемцы» і «Дрэнь».

У першую дзясятку ўвайшлі «Гульня тронаў», «Віцэ-прэзідэнт», «Студыя 30», «Стрымай свой энтузіязм» і «Атланта».

Сярод вядомых праектаў таксама апынуліся амерыканская версія «Офіса», «Амерыканцы», «Чарнобыль», «Карона», «Чорнае люстэрка», «Лепш патэлефануйце Солу» і «Раздзяленне».

У спіс трапілі і адносна новыя серыялы: «Пітт», «Пераходны ўзрост», «Хітрыкі», «Мядзведзь», «Тэд Ласо», «Сёгун» і «Дыпламатка».

Сотню завяршаюць «Спыніся і гары», «Супольнасць», «OA», «Дзяўчынкі Гілмар» і «Скандал».

У складанні спісу ўдзельнічалі больш за 500 прадстаўнікоў кінаіндустрыі — акцёры, рэжысёры, шоўранеры і іншыя прафесіяналы.