«Карпацкая васьмёрка»: Венгрыя і Украіна ўрэгулявалі дыпламатычныя непаразуменні

• 26.09.2026, 7:02

Пра гэта заявіла міністр замежных спраў Венгрыі.

Венгрыя і Украіна ўрэгулявалі дыпламатычныя непаразуменні, што ўзніклі паміж краінамі, у тым ліку вакол «Карпацкай васьмёркі».

Пра гэта заявіла міністр замежных спраў Венгрыі Аніта Орбан, паведамляе Index.

Яна адзначыла, што падчас мерапрыемстваў у межах Генеральнай Асамблеі ААН яна правяла некалькі сустрэч з міністрам замежных спраў Украіны. У выніку дыялогу бакам удалося зняць напружанне і вырашыць спрэчкі.

Орбан распавяла, што пакуль публічная ўвага была прыкавана да падзей у сацыяльных сетках, за кулісамі працягваўся пастаянны перамоўны працэс. Яна таксама падкрэсліла, што Венгрыя не выключае свайго далучэння да «Карпацкай васьмёркі» ў будучыні.

«Мы з радасцю бярэм удзел у любым рэгіянальным і двухбаковым супрацоўніцтве, якое адпавядае інтарэсам Венгрыі», — падкрэсліла дыпламат, дадаўшы, што для гэтага кроку неабходныя папярэдні дыялог і адпаведная падрыхтоўка.

Акрамя таго, Орбан закранула пытанне энергетычнага супрацоўніцтва і пацвердзіла пазіцыю ўрада і прэм'ер-міністра Петэра Мадьяра адносна паліўных рэзерваў.

Паводле яе слоў, на тэрыторыі Венгрыі не будзе стратэгічных магутнасцяў для захоўвання паліва і нафтапрадуктаў для Украіны.