Перамога Украіны: дзве арміі РФ разбітыя, вызвалена 532 кв. км

• 26.09.2026, 10:41

Новыя падрабязнасці аперацыі ЗСУ ў раёне Лімана.

Бітвы за Ліман на цяперашнім этапе расійска-ўкраінскай вайны, паводле неафіцыйнай інфармацыі, завяршыліся перамогай Сіл абароны Украіны.

Пра гэта паведаміў OSINT-аналітык Энды Шнайдэр, спасылаючыся на паведамленні расійскіх каналаў. Пры гэтым украінскія афіцыйныя крыніцы публікуюць усю інфармацыю з гэтага напрамку з наўмыснай затрымкай. Тым не менш, паводле яго слоў, 3-і армейскі корпус ЗСУ разбіў і адціснуў акупантаў, а 20-я і 25-я арміі Расіі з вялікімі цяжкасцямі адыходзяць за Сіверскі Данец, разлічваючы ўтрымаць пазіцыі на гэтым рубяжы.

Таксама, сцвярджае Шнайдэр, расійскія войскі страцілі Ямпіль. Аўтар піша, што за апошнія чатыры месяцы контранаступальных аперацый і зачыстак украінскія сілы вярнулі каля 532 кв. км раней кантраляванай РФ тэрыторыі і шэрых зон на Ліманскім напрамку. З іх каля 479 кв. км прыпадае на Данецкую вобласць, 32 кв. км — на Луганскую і яшчэ 21 кв. км — на Харкаўскую вобласць.

Паводле дадзеных Шнайдэра, буйны расійскі плацдарм заходней ракі Жарабец цяпер падзелены на чатыры меншыя плацдармы. Адзін з іх злучаны з напрамкам на Славянск, а тры іншыя ўяўляюць сабой невялікія часткова ізаляваныя пазіцыі, якія, як сцвярджае аўтар, працягваюць скарачацца.