Украіна нанесла ўдар па адным з найбуйнейшых НПЗ на поўдні Расіі і па абаронным заводзе ў Азове

• 26.09.2026, 12:24

Выбухі прагрымелі таксама ў Бранску.

Уначы Расію атакавалі ўкраінскія дроны. Гучна было ў Бранску, выбухі раздаваліся таксама ў Краснадарскім краі і Растоўскай вобласці РФ.

Пацярпелі заводы і як мінімум адзін НПЗ. Падрабязнасці і кадры з месцаў падзей сабраў Telegram-канал Exilenova+.

Паражаны Ільскі НПЗ

Пра чарговае паразанне Ільскага НПЗ у 50 км ад Краснадара ў Exilenova+ пачалі пісаць пасля першай гадзіны ночы.

У канале таксама з’яўляліся знятыя расіянамі кадры пажару пасля ўдару.

Сярод сродкаў паражэння, задзейнічаных для атакі, гэтай ноччу былі і рэактыўныя: сведкі фіксавалі гукі іх пралёту.

Мяркуючы па каментарыях за кадрам, расіяне былі ўражаныя колькасцю дронаў, што з’явіліся ў Краснадарскім краі гэтай ноччу.

Тым часам губернатар Краснадарскага краю Веніямін Кандрацьеў заявіў, што «абломкі» выклікалі пажары на тэрыторыі адразу двух прадпрыемстваў.

«Імаверна, таксама быў атакаваны Афіпскі НПЗ у Краснадарскім краі», — дапусцілі ў Exilenova+.

У Генштабе ЗСУ пасля пацвердзілі паразанне — праўда, толькі Ільскага НПЗ.

«У ноч на 26 верасня 2026 года падраздзяленні Сіл абароны Украіны ў Ільску Краснадарскага краю РФ нанеслі ўдар па нафтаперапрацоўчым заводзе «Ільскі НПЗ». На тэрыторыі прадпрыемства зафіксаваны пажар», — гаварылася ў паведамленні.

У Генштабе ЗСУ таксама нагадалі: нанесенне удараў па расійскіх НПЗ і падобных аб’ектах Украіна ажыццяўляе ў межах гарантаванага ёй 51-м артыкулам Статута ААН неад’емнага права на самаабарону. Бо такія атакі спрыяюць зніжэнню ваенна-эканамічнага патэнцыялу агрэсара.

Растоўская вобласць падвергнулася нападзенню

Гэтай ноччу пад абстрэлам Сіл абароны таксама апынулася Растоўская вобласць. Баявыя дзеянні вяліся ў шэрагу гарадоў рэгіёна, у прыватнасці, у горадзе Азоў.

Атаку на Азоў пацвердзіў мясцовы губернатар Юрый Слюсар.

Сярод заяваў пра нібыта атакаваныя Украінай жыллёвыя дамы і сацыяльныя аб’екты ён стрымана згадаў пра пашкоджанні «прамысловых аб’ектаў».

У Exilenova+ жа адзначылі, што мясцовыя жыхары пісалі пра атаку на ААТ «Азоўскі оптыка-механічны завод», які выпускае прадукцыю для абароннай прамысловасці.

NASA FIRMS таксама фіксуе ачаг пажару недалёка ад прадпрыемства.

Выбухі ў Бранску

Выбухі ўначы раздаваліся і ў Бранску. Там таксама нешта гарэла.

У Бранску актыўна працавала расійская СПА. Але, мяркуючы па кадрах, што з’явіліся ў сетцы, расіянам збіцці наўрад ці прынеслі вялікую радасць.