Зборная Беларусі па футболе паказала новую форму

• 26.09.2026, 13:12

У белым і чырвоным колерах.

Новую афіцыйную гульнявую форму нацыянальнай зборнай Беларусі прэзентавала 26 верасня Асацыяцыя «Беларуская федэрацыя футбола» (АБФФ).

«Калі выходзіш на поле ў новай форме — проста неабходна выглядаць элегантна. Adidas адказвае за вонкавы выгляд, пакуль усё астатняе застаецца за намі. Дызайн, у якім перапляліся традыцыі, сучасны рытм, тэхналогіі нямецкага канцэрна і энергія нашых заўзятараў. Гэта стыль, правераны часам», — гаворыцца ў паведамленні прэс-службы АБФФ.

26 верасня Беларусь стартуе ў Лізе нацый матчам супраць Албаніі ў Ціране.

Беларуская зборная выступіць у Лізе С (трэцім па сіле дывізіёне). Пасля Албаніі наша нацыянальная каманда згуляе ў аўторак у гасцях супраць Фінляндыі, а ў суботу супернікам Беларусі стане Сан-Марына.