Цягнік Анапа-Мінск слядуе змененым маршрутам праз Смаленск і Оршу

• 26.09.2026, 13:34

Раней ён рухаўся праз расійскі Бранск, які сёння ноччу быў атакаваны.

Цягнік № 489 Анапа-Мінск слядуе ў беларускую сталіцу па змененым раскладзе і маршруце, папярэдзілі ў прэс-службе БелЖД.

Склад адправіўся з Анапы 24 верасня 2026 года ў 21.32. У Мінск ён павінен быў прыбыць 26 верасня 2026 года ў 17.10.

Расійскія чыгункі папярэдзілі беларускіх калег, што цягнік «па тэхнічных прычынах» слядуе па змененым раскладзе і маршруце. Раней ён рухаўся праз расійскі Бранск, а затым беларускія Добруш — Гомель — Буда-Кашалёва — Жлобін — Бабруйск — Асіповічы — Пухавічы — Мінск. Цяпер жа склад слядуе да Мінска праз Смаленск і Оршу. У Мінск цягнік прыбудзе а 16.01 (замест 17.10).

Пасажыраў, якія набылі квіткі на гэты цягнік, каб дабрацца з Гомеля ў Мінск, у сталіцу даставяць цягніком № 691 Гомель-Мінск. Ён будзе спыняцца на тых жа прыпынках, што і № 489 Анапа-Мінск. Адпраўленне цягніка з Гомеля а 12.53.

«Для забеспячэння дастаўкі пасажыраў, якія едуць у складзе цягніка № 489 Анапа-Мінск ад станцый Расійскай Федэрацыі да станцый дыялянкі Гомель-Асіповічы, будзе арганізавана прызначэнне цягніка № 692 Мінск-Гомель. <�…> Цягнік <�…> адправіцца са станцыі Мінск-Пасажырскі ў 17.06 і прыбудзе ў Гомель у 21.25», — піша БелЖД.

Для пасажыраў цягніка № 692 Мінск-Гомель паабяцалі арганізаваць харчаванне ў дарозе.

Нагадаем, што сёння ноччу ў расійскім Бранску прагучалі выбухі.