У Мінску з-пад зямлі забіў «гейзер» вышынёй у некалькі паверхаў

• 27.09.2026, 13:55

На вуліцы Жукоўскага прарвала трубу.

Як паведамляе тэлеграм-канал «Мінск. Галоўнае!», на вуліцы Жукоўскага ў Мінску прарвала трубу. Напор вады такі моцны, што струмень па вышыні дасягае некалькіх паверхаў. Агенцтва «Мінск-Навіны» перадае, што надзвычайнае здарэнне адбылося каля дома № 4 у 12.20.

Зыходзячы з відэа падпісчыкаў тэлеграм-канала, струмень вады б'е на вышыні чатырох-пяці паверхаў.

Супрацоўнікаў ЖКГ на месцы пакуль няма. Аднак, як паведамляе агенцтва «Мінск-Навіны», МНС і іншыя гарадскія службы ўжо працуюць над ліквідацыяй аварыі.

Што прывяло да аварыі, пакуль невядома.