Пасол ЗША: Трамп прапанаваў Сі Цзіньпіну набыць амерыканскую зброю

• 28.09.2026, 8:58

У Белым доме гэтую інфармацыю абвяргаюць.

Прэзідэнт ЗША Дональд Трамп прапанаваў лідару Кітая Сі Цзіньпіну набыць амерыканскую зброю. Пра гэта ў тэлеінтэрв’ю заявіў пасол ЗША ў КНР Дэвід Перд’ю, піша газета The New York Times.

«Прэзідэнт Трамп пастаянна кажа: „Паслухайце, мы прадаем зброю іншым краінам па ўсім свеце“. У нейкі момант ён нават спытаў старшыню Сі, ці не хацеў бы той што-небудзь набыць», — сказаў дыпламат.

Падрабязнасцяў пасол не прывёў і не раскрыў, як адрэагаваў Сі Цзіньпін.

Гэта нечаканая заява прагучала ў інтэрв’ю пра палітыку ЗША адносна Тайваня. Востраў ужо некалькі месяцаў чакае, калі Трамп ухваліць новы пакет паставак узбраення на 14 мільярдаў долараў. Раней, у снежні мінулага года, было абвешчана пра рэкордную шматмільярдную здзелку.

Сумневы ў тым, наколькі рашуча Трамп намерыўся абараняць Тайвань, узнікалі і раней. На сустрэчы з Сі ў Пекіне ў маі ён заявіў, што адкладае рашэнне па пакеце на 14 мільярдаў долараў, назваўшы яго «вельмі добрым козырам» на перамовах з Кітаем.

У той жа час у адміністрацыі Трампа словы пасла абверглі. Прадстаўнік адміністрацыі ЗША заявіў, што ў Вашынгтона няма планаў прадаваць зброю Кітаю. У заяве Дзярждэпартамента сказана: «Заканадаўства ЗША забараняе продаж зброі Кітаю; ніякіх прапаноў або планаў па продажы зброі Кітаю не існуе».