У Крамлі перапалохаліся з-за доступу Украіны да Starlink для ўдараў па Расіі

• 28.09.2026, 11:02

Слова ўзяў Пяскоў.

Спікер крэмлёўскага рэжыму Дзмітрый Пяскоў назваў патэнцыйнае прадастаўленне спадарожнікавых сістэм Starlink для ўдараў у глыб Расіі «згубным, патэнцыйна небяспечным і неразважлівым крокам».

Пра гэта спікер Крамля сказаў у інтэрв'ю расійскаму прапагандысту Паўлу Зарубіну.

Кажучы пра адносіны паміж РФ і ЗША, Пяскоў прызнаў, што яны па-ранейшаму знаходзяцца, мякка кажучы, «не ў лепшай форме».

У інтэрв'ю Reuters, апублікаваным 25 верасня, прэзідэнт Фінляндыі Аляксандр Стуб заклікаў уладальніка SpaceX Ілона Маска пашырыць пакрыццё спадарожнікавай сувязі Starlink для Украіны, у прыватнасці на тэрыторыі, дзе размешчаныя расійскія пускавыя ўстаноўкі балістычных ракет.